KASISI w3Cert.
NyimboKuinira

ADS

NYĨMBO CIA KŨINĨRA NGAI

Wĩhoke Mwathani Rũgendo-inĩ

  1. WĨHOKE Mwathani rũgendo-inĩ,
    Na ũmũmenye wega ũtarĩ nganja.
    Ona wona thĩna tiga guoya,
    Wĩ guoko-inĩ gwake ndũkahotwo.

  2. Ndũgathikĩrĩrie ndeto cia andũ,
    Rĩrĩa wĩna hinya menya wega.
    Nĩ wĩtĩkĩritio ũmenyithie andũ,
    Jesũ nĩ mũkũri wa Kĩrĩndĩ.

  3. Arĩa marĩ mbere rũgendo-inĩ,
    Mbara ya mwĩrĩ-inĩ maikaire atĩa.
    Nakwarĩ mathĩna rũgendo-inĩ,
    Na ikeno na mĩago ya gũkũ thĩ.

  4. Hingo ciothe marũmagĩrĩra,
    Roho mũtongoria maiyũrĩtwo;
    Nĩ wathĩki mũingĩ rũgendo-inĩ,
    Nginya magĩtoria mbara cia thĩ.

  5. Mũndũ witũ tiga kuoyanĩria,
    Ũthamaki wa Roho na wa mwĩrĩ;
    Ndũngĩhotanĩria ndagũthaitha,
    Tigana na mwĩrĩ ũthiĩ rũgendo.

  6. Na ũkire na ngoro ũmenye wega,
    Meciria ma mwĩrĩ mendaga atĩa;
    Mendaga gũtiga waga muoyo,
    Na mwĩrĩ ũgathikwo ũtuĩke tĩrĩ.

  7. Cũthĩrĩria Jesũ mwendwa witũ.
    Rĩtwa rĩake etagwo wa mathĩna;
    Nĩ atoririe magerio na thĩna,
    Nĩguo tũgakinya gwa ithe witũ.

  8. Arĩa maregire ũhoro wama,
    Makiuga nĩ ahũthũ rũgendo-inĩ
    Matirĩ na ũtũũro gwa ithe witũ,
    Kũrĩa metereirwo no mwaki-inĩ.


NyimboKuinira

ADS