KASISI w3Cert.
NyimboKuinira

ADS

NYĨMBO CIA KŨINĨRA NGAI

Ũyũ Nũ Ũgũikũrũka
Lo, He Comes With Clouds

  1. Ũyũ nũ ũgũikũrũka?
    Nĩ ũrĩa watũkuĩrĩĩre;
    Arĩa maanahonokio
    Nĩmamũkenagĩra;
    Haleluya, haleluya,
    Jesũ nĩ aracoka!
    Haleluya, haleluya,
    Jesũ nĩ aracoka!
  2. Mwathani ndaarĩ na rĩhia
    Rĩa gũtũma oragwo;
    Ririkanagai wega
    Akuire nĩ ũndũ witũ:
    Nĩakuire, nĩakuire,
    Aakuire nĩ ũndũ witũ!
    Nĩakuire, nĩakuire,
    Aakuire nĩ ũndũ witũ!
  3. Irema iria ekĩrirũo
    O na rĩu arĩ nacio;
    Andu ake arĩa Atheru
    Nĩmamũkenagĩra:
    Nĩekĩrirũo, nĩekĩrirũo
    Irema nĩ ũndũ witũ!
    Nĩekĩrirũo, nĩekĩrirũo
    Irema nĩ ũndũ witũ!
  4. Ũhonokio gũkũ guothe
    Rĩu nĩ mũmenyeku;
    Andũ ake arĩa atheru
    Makongana rĩerainĩ:
    Mamũthaganie rĩerainĩ
    Mũthenya wa Mwathani!
    Mamũthaganie rĩerainĩ
    Mũthenya wa Mwathani!
  5. Othe nĩ makamũrora
    Aikarĩire gĩtĩinĩ:
    Arĩa mamũthecangire
    Makĩmwamba mũtĩinĩ;
    Makarĩra: Wũi wũi,
    Mamuona ũneneinĩ!
    Makarĩra: Wũi wũi,
    Mamuona ũneneinĩ!
  6. Othe nĩ makamũrora
    Aikarĩire gĩtĩ-inĩ:
    Mone Jesũ ena riri
    Ũrĩa twĩrĩgĩrĩire:
    Ũka Jesũ, ũka Jesũ,
    Nĩwe twetagĩrĩra;
    Ũka Jesũ, ũka Jesũ,
    Nĩwe twetagĩrĩra.

NyimboKuinira

ADS