KASISI w3Cert.
NyimboKuinira

ADS

NYĨMBO CIA KŨINĨRA NGAI

Ũtũiguĩre Tha, Ngai
(God be Merciful Unto Us)

  1. Ũtũiguĩre tha, Ngai,
    O na ũtũrathime;
    Ũtuonie ũthiũ waku rĩu
    Na ũtũhe ũtheri.

  2. Nĩguo ciĩko ciaku
    Imenyũo gũkũ thĩ,
    Ndũrĩrĩ ciothe imenye
    Ũhonokio waku.

  3. Andũ othe, Mwathani,
    Nĩmakũgoocage;
    Nacio ndũrĩrĩ ikene,
    Ikũinĩre nyĩmbo.

  4. Nĩũkamacirira,
    Ũcire wega ma:
    Ndũrĩrĩ ciothe cia thĩ ĩno
    Nĩwe ũgathaga.

  5. Andũ othe, Mwathani,
    Nĩmagũkumagie;
    Anene o na arĩa anini
    Makũgoocage we.

  6. Kwĩ bũthi wa irio
    Uumĩte mĩgũnda;
    Ngai witũ nĩarĩrehage
    Kĩrathimo gĩake.

  7. Nĩagatũrathima;
    O na andũ othe nao,
    Ituri ciothe cia thĩ ĩno,
    Mamwathĩkagĩre.


NyimboKuinira

ADS