KASISI w3Cert.
NyimboKuinira

ADS

NYĨMBO CIA KŨINĨRA NGAI

Ũthamaki wa Igũrũ

  1. 'Ũthamaki wa Igũrũ
    Tondũ nĩũkuhĩhĩirie;'
    Johana Mũbatithania
    Nĩahunjirie werũinĩ:
    'Thondekai kĩnga’aratua
    Gĩake Mwathani Jesũ;
    Rũngariai njĩra ciake,
    We nĩwe Mũthamaki.'

  2. Ũthamaki wake Ngai;
    No ambai mũcarie,
    Na maũndũ mangĩ make,
    O marĩa ma ũthingu;
    Nacio indo iria ingĩ,
    Nĩmũgakĩrĩrĩrio,
    Nĩ Mwathani witũ Jesũ,
    We nĩwe Mũthamaki.

  3. Andũ arĩa me ndumainĩ,
    Ũtheri nĩmonete;
    Andũ arĩa maikarĩte
    Bũrũriinĩ wĩ gĩkuũ,
    Ũtheri nĩ ũmarĩire;
    Ũtheri mũnene Jesũ,
    We nĩwe Mũthamaki.

  4. Gwĩtanga nĩũndũ wa irio,
    Kana nĩũndũ wa nguo;
    Wĩhoke Mwathani Jesũ,
    Mũheani wa ciothe.
    Rora nyoni cia rĩerainĩ,
    Irĩaga na ikanyua;
    Iheagwo nĩ Ngai witũ,
    We nĩwe Mũthamaki.

  5. Mwĩigire ũtonga,
    Igũrũ kwa Mwathani;
    Mbũri, mbia, na ng'ombe;
    Athuri na atumia;
    Iheo cia Mwathani:
    Hoyai nĩ mũkũheo,
    Nĩ Jesũ Mũthamaki.

  6. Inyuĩ mũhonoketio,
    Hunjiai ũhonokio:
    Kĩrĩndĩ kĩmenyithio,
    Jesũ nĩ amakuĩrĩire;
    Merirĩre Ngai wao,
    Amahe muoyo mwerũ;
    Kĩrĩndĩ gĩothe kĩgooce,
    Jesũ nĩ Mũthamaki.

  7. Mat 3:2-3


NyimboKuinira

ADS