KASISI w3Cert.
NyimboKuinira

ADS

NYĨMBO CIA KŨINĨRA NGAI

Ũkani Tũinĩre Ngai
Come Sing with Holy Gladness

  1. Ũkani tũinĩre Ngai,
    Tũine na gĩkeno;
    Mũthamaki Jesũ Kristũ
    Tũmũgooce mũno.
    Aanake, inai wega,
    Mũtuĩke athingu;
    Na inyuĩ airĩtu mũhorere
    Ta Mwathani wanyu.

  2. Aanake o na airĩtu,
    Mũinĩre Jesũ:
    Na twana nĩtwagĩrĩirũo
    Tũmũgooce rĩu.
    Na Jesũ nĩ Mũhoreri,
    Na ningĩ Mũkũũri
    Wa twana na andũ agima,
    Na nĩwe Mwathani.

  3. Aanake, rutai wĩra,
    Mũrutĩre Jesũ;
    Mũkona mũcara wanyu
    Mwakinya Igũrũ.
    Athuri na atumia!
    O na airĩtu!
    Magetha nĩ maingĩ mũno,
    Mũgũnda wa Jesũ.

  4. Ihinda rĩu rĩĩ hakuhĩ,
    Rĩrĩa andũ aku
    Magatwarũo gwaku mũciĩ
    Nĩguo mahurũke.
    Jesũ Kristũ, tũteithie rĩu,
    Tũgĩe na kĩyo
    Andũ aku maingĩhe
    A gũtonya kũu.


NyimboKuinira

ADS