KASISI w3Cert.
NyimboKuinira

ADS

NYĨMBO CIA KĨROHO

Onaingĩkorwo Ndũraga

  1. ONAINGĨKORWO ndũraga thĩ-ĩno na maithori
    Ngwĩyũria na ngoro yakwa no ngakinya igũrũ.
    Nĩ njũĩ no ngahotana nĩ nĩnjĩrĩgĩrĩire.
    Gĩkeno gĩakwa nĩ njũĩ ngatũra na Jesũ.

  2. Hatarĩ nganja nĩ njũĩ rũgendo-inĩ rwakwa;
    Hinya na ũhoti mũingĩ ma hetwo nĩ Mwathani.
    Ndirĩ hingo ngetigĩra hinya wa Shaitani.
    Gĩkeno gĩakwa nĩ njũĩ ngatũra na Jesũ.

  3. Mbara ciothe na magerio rũgendo-inĩ rwakwa.
    Nĩ njũĩ nĩ kĩmenyithia ndirĩ wa gũkũ thĩ.
    Mũthenya ũkirie gũkinya ndonye kĩhurũko.
    Gĩkeno gĩakwa nĩ njũĩ ngatũra na Jesũ.

  4. Mwathani nĩ anjũthĩrĩirie rĩu ndĩ mbara-inĩ.
    Kana nĩngahotanĩra thũmbi ya ũthamaki
    Ndarĩkia kũhotanĩra nyambate matu-inĩ.
    Gĩkeno gĩakwa nĩ njũĩ ngatũra na Jesũ.

  5. Ndĩhokete Mũtongoria Roho wa Mwathani
    Ona nduma ĩngĩneneha na mbara ĩingĩhe.
    Shaitani nĩagaconoka ndahota mbara-inĩ
    Gĩkeno gĩakwa nĩ njũĩ ngatũra na Jesũ.

  6. Ngoro yakwa tiga guoya kana mathangania
    Ndirĩ hingo ngaconoka ũthiũ-inĩ wa Mwathani,
    Mũcemanio-inĩ wa Atheru gĩtĩ-inĩ kĩa ũnene
    Gĩkeno gĩakwa nĩ njũĩ ngatũra na Jesũ.

  7. Mũthenya wa marakara nĩ ũgakinyĩrĩra
    Arĩa maikaraga tũhũ na matingĩmenya;
    Atĩ mũndũ gũkũ thĩ ndarĩ na kĩhurũko.
    Gĩkeno gĩakwa nĩ njũĩ ngatũra na Jesũ.

  8. Ndagũthaitha ngwenda ũmenye Mwĩrĩ nĩugathira.
    Ndũrĩ na kĩrĩgĩrĩro mũciĩ ũcio wa igũrũ
    Na nĩkĩo wĩriragĩria ikeno cia gũthira;
    Gĩkeno gĩakwa nĩ njũĩ ngatũra na Jesũ.


NyimboKuinira

ADS