KASISI w3Cert.
NyimboKuinira

ADS

NYĨMBO CIA KŨINĨRA NGAI

Njamba Ĩyo Ya Ita

  1. Kũu Suriata kwarĩ na njamba ya ita,
    Rĩtwa rĩayo yetagwo Naamani;
    Mwĩrĩ wayo waiyũrĩtwo nĩ mangũ;
    Ĩkĩrwo ĩgethambe rũũĩ rwa Jorodani.

  2. Njamba ĩyo ya ita, Yaiyũrĩtwo nĩ mangũ.
    Njamba ĩyo ya ita, Yaiyũrĩtwo nĩ mangũ:
    Mwĩrĩ wayo waiyũrĩtwo nĩ mangũ,
    Ĩkĩrwo ĩgethambe rũũĩ rwa Jorodani.

  3. Njamba ĩyo yaita, Yarĩ na igweta rĩega.
    Ona mbara-inĩ noyo yahotanaga,
    Ningĩ yarĩ na ũtonga mũingĩ mũno;
    No icio ciothe itiamĩhonirie mangũ.

  4. Njamba ĩyo yaita, Ĩgĩthiĩ gwa Isiraĩli.
    Na ĩgĩkinya mũciĩ wa Elisha,
    Yabatairio kũhonio mangũ mayo;
    Ĩkĩrwo ĩgethambe rũũĩ rwa Jorodani.

  5. Njamba ĩyo yaita, Ĩkĩigua yahiũha kĩongo.
    Ĩkĩnyarara rũũĩ rwa Jorodani,
    Yaririkana njũũĩ cia Damĩsheki,
    Gĩtũmi tondũ yarĩ ya madaraka.

  6. Ndungata ciayo, Ikĩmĩthaitha muno,
    Kaba wĩthambe maita macio mũgwanja.
    Rĩrĩa yethambire maita macio mũgwanja,
    Mwĩrĩ wayo ũkĩhana ta wa kana.

  7. Mũrũ na mwarĩ, Twambe tũhere mehia,
    Tũciarwo rĩngĩ thĩinĩ wa rĩĩtwa rĩake.
    Tuonanie riiri wa Jesũ Mũhonokia,
    Nĩguo tũkona muoyo ũrĩa ũtagathira.


NyimboKuinira

ADS