KASISI w3Cert.
NyimboKuinira

ADS

NYĨMBO CIA KŨINĨRA NGAI

Nĩ Ũhoro Wa Kũgegania
(It is a Thing Most Wonderful)

  1. Nĩ ũhoro wa kũgegania,
    Kũwĩtĩkia nĩ hinya ma;
    Mwana wa Ngai oime Igũrũ,
    Akue nĩguo niĩ `honoke.

  2. Na nĩnjũĩ atĩ nĩ ma,
    Agĩciarwo mũndũ mũkĩa;
    Agĩthĩnĩka na agĩkua,
    Nĩ ũndũ wa kwenda thũ ciake.

  3. Na rĩmwe nĩ ndĩciragia,
    Na ngahinga maitho ngona:
    Mĩcumarĩ, thũmbĩ, mĩigua
    Jesũ mwambe handũ hakwa.

  4. O na ndona we agĩkua
    Nĩnyonaga kĩndũ kĩmwe,
    Wendani ũhana mwaki,
    Ũgĩakana ngoro yake.

  5. Nĩ magegania kũmenya,
    Anyendete o ma kũna;
    Na nĩ magegania kuona,
    Ndimwendete kũiganĩra.

  6. Nĩngwenda gũkwenda Mwathi;
    Njakanĩria mwaki ngoro,
    Na ngwendage o makĩria,
    Kinya ngakuona Igũrũ.


NyimboKuinira

ADS