KASISI w3Cert.
NyimboKuinira

ADS

NYĨMBO CIA KŨINĨRA NGAI

Ngũũka Ndige Kĩeha na Nduma
(Out of My Bondage)

  1. Ngũũka ndige kĩeha na nduma,
    Ngũũka o rĩu, gwaku Jesu;
    Ũnjohore nyume ũkomboinĩ,
    Ngũũka gwaku Jesu.
    Ndĩ mũrũaru, ngũka ũhonie,
    Ũkĩninĩre ũkĩa wakwa;
    Ndige mehia njũke harĩ we,
    Ngũũka gwaku Jesu.

  2. Ũremi wakwa na ũitangi,
    Nĩngũitiga, njũke gwaku;
    Ndongoragio nĩ mũtharaba,
    Ngũũka gwaku Jesu.
    Ngũtiga wĩhia, ũhe thayũ,
    Ũhurũkie ndige gwĩtanga,
    Ninĩra ruo, ngũinagĩre,
    Ngũũka gwaku Jesu.

  3. Ngũtiga ngũrũ na mwĩtĩo,
    Ngũũka o rĩu, gwaku Jesu;
    Ũnjathage na ũngitĩre;
    Ngũũka gwaku Jesu.
    Ndige kwĩigania, ngwĩhoke,
    Ndige kĩeha, ndĩkenagĩre,
    Nyũmbũkage ngorĩra thĩna;
    Ngũũka gwaku Jesu.

  4. Ngũtiga guoya na ihoru,
    Ngũũka o rĩu, gwaku Jesu;
    Ũnjarĩre na ũtheri waku,
    Ngũũka gwaku Jesu.
    Ndige ngwanangĩkaga ndĩ thĩ,
    Ndonye thayũ-inĩ kiugũ gĩaku,
    Ndĩroragĩre riri waku,
    Ngũũka gwaku Jesu.


NyimboKuinira

ADS