KASISI w3Cert.
NyimboKuinira

ADS

NYĨMBO CIA KŨINĨRA NGAI

Ndatũraga Thĩ ĩno Ndariĩ ta Mũgendi

  1. Ndatũũraga thĩ ĩno, ndariĩ ta mũgendi
    Ũhĩtĩtie njĩra:
    Harĩa ndoimĩrĩire, no harĩ arĩa maarĩ,
    Na ũhinga ta mũici;
    Kana ta mũtegi ũtegete nyoni.

  2. Ngĩũrwo nĩ mahinda ma kũmenya Jesũ,
    We nĩ Mahonokia:
    Nĩ mũkũũri wakwa,nũmie watho wake
    Rĩu ndĩ gũkũ thĩ;
    Ngĩmenyaga nowe ũkanginyia Igũrũ.

  3. Hĩndĩ ĩo gũtiarĩ wa kũnyonereria
    Njĩra ya Igũrũ:
    Nĩ Mwathani wakwa wanjoire ndĩ nja
    Ya ũhoro wa ma;
    Akĩ'handa wega njĩrainĩ ya muoyo.

  4. Na inyuĩ nĩngũmwĩra, arĩa mũnyitĩĩte
    Njĩra ya Igũrũ,
    Mwĩmenyererei, thũ ya ngoro cianyu
    Ĩikaire njĩrainĩ;
    Namũgambo wayo, no ta maguta.

  5. Na muoroto wayo, nĩ kũhĩtithia andũ,
    Njĩra ya ũtheri,
    Na inyuĩ mwĩrirĩirie gũkinya kwa Jesũ,
    Mũikare ũtheriinĩ;
    Mũthenya wakinya no tũkaambata.

  6. Na hĩndĩ ĩo noguo mũkamenya wega,
    No ndamwĩraga:
    Rĩrĩa andũ arĩa atheru magaikarĩra itĩ
    Mathagathagĩirwo,
    Kuuma mũthenya ũrĩa thĩ ĩno yombirũo.

  7. Ndagũthaitha mũno, wĩrirĩre Kristũ,
    Na ũmwĩtĩkie:
    Kahinda nĩ gaaka, ndũkagonderere,
    Amũkĩra Jesũ;
    Nĩ agwetereire, akũhonokie.


NyimboKuinira

ADS