KASISI w3Cert.
NyimboKuinira

ADS

NYĨMBO CIA KŨINĨRA NGAI

Ndambaararia Moko Makwa

  1. Ndambararia moko makwa
    ndagooca rĩtwa rĩaku
    Mbere ya ndũrĩrĩ ciothe
    cia thĩ ĩno nĩguo ciigue
    Wega na ũtugi waku
    ũrĩa ũkinyagĩria andu aku
    Nĩndakũgooca nĩ tondũ
    we ũrĩ mwega.

  2. Nĩ ndakũgooca Mwathani
    tondũ nĩwe Mũnyũmbi
    We ũteithagia ngoro yakwa
    hindĩ ĩrĩa ĩgwetereire
    Rĩrĩa andũ mandiganĩirie
    ũkoragwo hamwe na niĩ
    Nĩndakũgooca nĩ tondũ
    we ũrĩ mwega.

  3. Loti erwo nĩ Iburahimu
    ethurire kũrĩa ekwenda
    Agĩthurĩra cianda-inĩ
    kũrĩa onaga gwĩ kwega
    Iburahimu akĩambata
    agatũre kĩrĩma-inĩ
    Ũkĩmũrathima nĩ tondũ
    we ũrĩ mwega.

  4. Jusufu endio nĩ ariũ a nyina
    Misiri me rũru-inĩ
    Matigacoke kũmuona
    tondũ nĩmamũthũire
    Wathire ũkĩmũrathima
    tondũ nĩwamwendete
    Ũkĩmũnenehia nĩ tondũ
    we ũrĩ mwega.

  5. Hannah rĩrĩa arũgamĩte
    kĩgongona-inĩ kĩa ma
    Akĩhoya na ruo ngoro
    na maithori ma mwĩrĩ
    Ũmwehereirie kĩnyũrũri
    kĩa mũirũwe Peninah
    Ũkĩmũhe mwana nĩ tondũ
    we ũrĩ mwega.

  6. Daudi wamwamũrĩire
    ũthamaki arĩ rũru-inĩ
    Rĩrĩa Saulu aregire
    kũigua mataro maku
    Ũkĩmũtunya ũthamaki
    ũkĩnengera Daudi
    Ũkĩmũtũgĩria nĩ tondũ
    we ũrĩ mwega.

  7. Rĩrĩa Paulo na Sila
    maikirio korokoro
    Matigacoke kũhunjia
    andu matikahonoke
    Na rĩrĩa makũgocaga
    mũraika akihingũra
    Mĩrango moime nĩ tondũ
    we ũrĩ mwega.


NyimboKuinira

ADS