KASISI w3Cert.
NyimboKuinira

ADS

NYĨMBO CIA KĨROHO

Mwathani Oigire Twĩ Ciana Ciake

  1. MWATHANI oigire twĩ ciana ciake,
    Gũtirĩ ũngĩ ũngĩgia igũrũ ritũ,
    Twarĩhĩirwo thirĩ nĩ mwana wa Ngai.
    Agĩthĩnjwo atuĩke igongona,
    Rĩa gũkũra mĩoyo kwa ngoma.

  2. Andũ arĩa Mwathani eyamũrĩire
    Gũtirĩ mũndũ ũngĩtũcirithia.
    Thakame ya Jesũ nĩyo itũtuĩte,
    Atheru kinya kuma Igũrũ
    Tũrĩ aitĩrĩrie Roho Ngoro.

  3. Mahinya ma thĩ matingĩhota,
    Gũtũtigithania na wendani.
    Ũrĩa Gatũrũme atwendete naguo.
    Ngaragu kana kwaga nguo,
    Na kũnyarirwo na kũragwo.

  4. Mwathani oigire tũrituagwo,
    Ta tũrĩ mbũri ciagũthĩnjagwo.
    Tondũ Araika othe a mũcukani,
    Nĩ mahũranaga na Roho.
    Roho akamahota na ũtheru.

  5. Roho acayagĩĩra ngoro thĩ-inĩ,
    Akĩrĩrĩra mĩoyo andũ othe
    Athaithanaga na ruo rũingĩ,
    Ngoro itigage mathangania.
    Atũmirwo oigage O Baba o Baba.


NyimboKuinira

ADS