KASISI w3Cert.
NyimboKuinira

ADS

NYĨMBO CIA KŨINĨRA NGAI

Mũhonokia, Tondũ nĩ Ũnyendete
(Hold Thou My Hand)

  1. Mũhonokia, tondũ nĩ ũnyendete
    Nĩngwenda ũngwate guoko gwakwa;
    Ndiũĩ njĩra na ndirĩ na hinya;
    Ndingĩhota gũthiĩ ndĩ nyiki.

  2. Ũngwate guoko rĩu na ndingĩmakio,
    Nĩ wega njikare hamwe nawe;
    Mwĩhoko wakwa na gũkena gwakwa,
    Nĩ getha ndigatigane nawe.

  3. Ũngwate guoko rĩu na ũ’therere,
    Tondũ nduma nĩ ndumanu mũno;
    Ndetĩkia no nyonage riri waku,
    Nyinage nyĩmbo ngenete mũno.

  4. Ũngwate guoko na rĩrĩa ngakinya,
    Rũũĩ rũrĩa waringire tene;
    Ngatonya kũu bũrũri mwega mũno,
    Ngatũũre nawe tene na tene.


NyimboKuinira

ADS