KASISI w3Cert.
NyimboKuinira

ADS

NYĨMBO CIA KĨROHO

Mahĩndĩ Momũ (Charles Kĩng’ori)

  1. Ndĩratũraga ndĩ mũkuũ,
    Ngabutha na ngariganĩra;
    Tondũ rĩrĩa ndarĩ mabara-inĩ,
    Ndiarĩ na wa kũndũĩrĩra

  2. Nĩndarĩĩrũo nĩ riũa mũno,
    Rĩ gĩcina mahĩndĩ makwa;
    Gũteremwo nĩ nyamũ ũii,
    Nginya ngĩaga kĩrĩgĩrĩro.

  3. Ndĩrarĩtu o mahĩndĩ momũ,
    Na manyaganĩte werũ-inĩ;
    Thĩinĩ wakwa gũtiarĩ mwĩhoko,
    Kiugo gĩaku kĩrandiũkia rĩngĩ.
    Ndeithia ngwende na ngwathĩkagĩre.

  4. Nĩ wathire rũhuho Baba,
    Rũgĩũka rwĩ na hinya mũingĩ;
    Rũkĩhuruta mahĩndĩ makwa,
    Mothe magĩcokanĩrĩra.

  5. O ihĩndĩ rĩgĩcoka harĩo,
    Na ũkĩnjĩkĩra muoyo rĩngĩ;
    Nĩkĩo rĩu niĩ ngwanĩrĩra.
    Njuge atĩ wĩ Ngai wĩ hinya.

  6. Mũrũi Mũnene wa mbaara,
    Mũteithia wa arĩa matarĩ hinya;
    Mũrori wa Israĩli,
    Na Ngai ũrĩa ũtaremagwo.

  7. Nĩngũkũgooca o Wee wiki,
    Na ngaathĩrĩrie Rĩtwa Rĩaku;
    Tiga ũratuĩkire wa mwena wakwa,
    Nĩ ma Ngai niĩ ndingĩtũraga


NyimboKuinira

ADS