KASISI w3Cert.
NyimboKuinira

ADS

NYĨMBO CIA KŨINĨRA NGAI

Jesũ Nĩngegaga Nĩ Wendo Ũcio Waku

  1. Jesũ nĩngegaga nĩ wendo ũcio Waku;
    Ũgĩtĩkĩra kũnguĩra ona itarĩ kĩene,
    Ngĩe kĩĩrĩgĩrĩro kĩrĩa itarĩ mbere,
    Gĩa thũmbĩ ũnjigĩire, ĩrĩa ĩtabuthaga.

  2. Mĩkuru yarika na ĩrĩma cianeneha,
    Ndeithia Ngai Baba, ndikanorĩre kuo,
    Njerũhĩria hinya, tũĩka mũndongoria,
    Na ũndeithie gũkwĩhoka, ona kũrĩ nduma.

  3. Nĩwakirĩrĩirie hau mũtharabainĩ,
    Ũkĩambwo nĩgetha ngainia thũmbĩ ĩo ya muoyo,
    Kĩĩhe ũkirĩrĩria rũgendoinĩ rũrũ,
    Na ũhe ngo ya wĩtĩkio ndũrĩkie kĩrĩĩti.

  4. Rĩmwe nĩhotagwo na ngagĩ nan ganja,
    Ngona rũgendo rwaraiha na ngorũo nĩ hinya;
    No ngaigua mũgambo wa Jesũ Mũnyendi,
    Ũkĩnjĩra nyũmĩrĩrie tondũ akiriĩ gũũka.

  5. Ngai ũrĩa warĩ ho hĩndĩ ya Danieli,
    O na rĩu arĩ na hinya, ndagarũrũkaga;
    We nĩ mwĩhokeku ndagarũrũkaga,
    O na hĩndĩ ya mathĩna ndagarũrũkaga.

  6. We wĩ rũgendoinĩ ndũkorwo nĩ hinya:
    Mbaara na ikeno cia thĩ ĩno ikiriĩ gũthira;
    Jesũ akiriĩ gũka gũtũhurũkia,
    Kũrĩa gũtarĩ maithori na gũtarĩ thĩna.


NyimboKuinira

ADS