KASISI w3Cert.
NyimboKuinira

ADS

NYĨMBO CIA KŨINĨRA NGAI

Jehova Mwathani Kuuma O Kĩambĩrĩria

  1. Jehova Mwathani kuma o kĩambĩrĩria,
    Ndũrĩ watiganĩria ndungata ciaku;
    Nĩũmagĩtagĩra na ũhootani mũingĩ,
    Ngumo na ũgooci irogũcokerera.

  2. Ngumo na ũgooci irogucokerera,
    Hĩndĩ ĩrĩa ndũngata ciaku ciaumagara;
    Ũtambũrũkĩtie moko igũrũ rĩao,
    Ngumo na ũgooci irogũcokerera.

  3. Joshua erire Ngai mbara yaneneha,
    Riũa nĩrĩrũgame o hau rĩrĩ;
    Nginya ndĩtorania kũrĩ thũ ciakwa,
    Ngumo na ũgooci irogũcokerera.

  4. Maikirie Danieli irima rĩa mĩrũthi,
    Nao Shadraka magĩikio mwaki-inĩ;
    Wamarutire kuo na ũhootani mũingĩ,
    Ngumo na ũgooci irogũcokerera.

  5. Jehovah nĩwe riumagirĩro rĩakwa,
    Ona ihũndũkĩro nowe Mwathani;
    Ndeithagia kũmenya ũrĩa wĩ hinya mũingĩ,
    Ngumo na ũgooci irogũcokerera.

  6. Manyita Mwathani na makĩmũraga,
    Mũthenya wa ĩtatũ nĩwamũriũkirie;
    Akiuma kũrĩ akuũ na ũhootani mũingĩ,
    Ngumo na ũgooci irogũcokerera.

  7. Petero na Johana makora kĩonje,
    Kĩamahoya thendi na matiarĩ nacio;
    Petero akĩmwĩra ũkĩra wĩtware,
    Ngumo na ũgooci irogũcokerera.

  8. Paulo na Sila maikio korokoro,
    Nĩwahingũrire mĩrango ya njeera;
    Mũrangĩri akĩruta rũhiũ eyũrage,
    Ngumo na ũgooci irogũcokerera.

  9. Rĩu nĩmenyete ũrĩa wĩ hinya mũingĩ,
    Wĩtagwo Jehova Mũnene-wa-ita;
    Arĩa wĩtongoreirie matihotagwo,
    Ngumo na ũgooci irogũcokerera.


NyimboKuinira

ADS