KASISI w3Cert.
NyimboKuinira

ADS

NYĨMBO CIA KŨINĨRA NGAI

Ciugo Mũgwanja Cia Mũtharabainĩ

  1. Ciugo mũgwanja cia mũtharabainĩ
    Tũngiciiga mũno ngoroinĩ ciitũ,
    Ciatũruta gũcaragia Mũkũũri
    Ũrĩa watũkuĩrĩire mũtĩinĩ.

  2. Tũmũmathei Mwathani,
    Mũkũũri witũ,
    Tũmũmathei Mwathani,
    Mũkũũri witũ.

  3. Maarĩkia kwamba Mwathani mũtĩinĩ,
    Nguo ciake magĩcukĩra mĩtĩ;
    Mũkũũri Jesũ nĩoigire, "Awa
    Mohere, matiũĩ ũrĩa megwĩka."

  4. Mũici ũmwe nĩaakaĩire Mwathani,
    Jesũ akĩmũcokeria akiuga,
    "Ĩtĩkia rĩu, nĩũrĩkorũo na niĩ
    Kũrĩa maroho ma andũ atheru marĩ.

  5. "Kuuma rĩu ũyũ nĩwe maitũguo,
    Nawe maitũ, ũcio nĩwe mũrũguo."
    Ciugo icio nĩcio Jesũ oigire,
    Nĩ ũndũ wa kĩeha gĩa gũtiga
    endwa ake.

  6. Na thaa kenda ciarĩkia gũkinya,
    Jesũ akigũũthũka na akiuga,
    "Elii, Elii, lama sabakithani?"
    (Ngai wakwa, wandiganĩria nĩkĩ?)

  7. Thakame yarĩkia gũitĩka mũno,
    Jesũ akiuga, "Rĩu niĩ nĩnyotiĩ!"
    Agĩkundio thiki na kamũrangi,
    Akĩanĩrĩra, "Ũhoro nĩwarĩka!"

  8. Nĩ kwarĩ nduma kuuma thaa thita
    Nayo ĩgĩikara nginya thaa kenda.
    Gĩtama kĩa hekarũ gĩgĩatũka.
    Kiugo gĩake kĩa mũthia nĩ gĩkĩ:
    "We, Ngai Baba, oya Roho wakwa rĩu!
    we, Ngai Baba, oya Roho
    wakwa rĩu!"


NyimboKuinira

ADS