KASISI w3Cert.
NyimboKuinira

ADS

NYĨMBO CIA KĨROHO

Agiginyani (Cirũ wa GP)

  1. Maũndũ nĩ maingĩ makoraga andũ a Ngai,
    Na mũtũrĩre ũyu nĩũrĩ mĩambato na mĩikũrũko.
    Nĩ kũrĩ hĩndĩ mũndũ aiguaga akinyĩte mũico,
    Agakua ngoro akaigua ta angĩtee kĩrĩgĩrĩro;
    Nĩkũnyarirĩka ona gũthĩnĩka.
    No gũkena nĩũrĩa, ugiginyanaga,
    Eyũmĩrĩirie na ndakue ngoro,
    Kana atigĩthĩrie.
    Ũcio nĩwe mũgiginyani.
    Na agiginyani nĩ mehotagĩra kĩa hinya.

  2. Kaĩ ũgeretie maigana ũkaremwo?
    Ũkĩra ũgerie rĩngĩ.
    Ũhoete kwa ihinda na ndũonete macokio.
    Ndũgatigithĩrie thie na mbere na kũhoya.
    Ũrotete iroto cigana, igatharara?
    Ndũgaikare o hau, no ũrote rĩngĩ.
    Ndũgatigithĩrie, ndũgakue ngoro;
    Giginyana tu,
    Agiginyani nĩmehotagĩra kĩa hinya.

  3. Jakubu ũtukũ mũgima akĩgiana na mũraika,
    Nandaigana kũregeria moko amũrekie.
    Amwĩrire ndĩrĩkũrekia haha wandathima:
    Mũraika ona nĩ gũgũthererũka akĩmũrathima.
    Akĩmwĩra ndũgũcoka gwĩtwo Jakubu, ũrĩĩtagwo Isiraĩli,
    Tondũ nĩũgianĩte na Ngai na andũ na ũkahotana.

  4. Mũtumia ũmwe wa ndigwa wethaga kĩhoto,
    Arookaga kwa mũtuanĩri cira hĩndĩ ciothe.
    Akamwĩra ndĩhĩria kũrĩ mũndũ ũrĩa tũrĩ ũthũ nake:
    Na mũtuanĩri cira agĩkinya handũ akiuga,
    Ona harĩa itoĩ Ngai na ndirĩ mũndũ njonokagĩra;
    No mũtumia ũyũ ningũmũrĩhĩria.
    Nĩgetha atigage kũndanga na gũka haha hĩndĩ ciothe.

  5. Jusufu arota kĩroto,
    Ariũ a nyina magĩkararia,
    No ndatigĩire ohau no arotire rĩngĩ.
    Akĩrota kĩngĩ kĩega kũrĩ kĩa mbere;
    Ona wee tigaga gũteanĩria.
    Tigaga gũkua ngoro;
    Ũtakinyanĩirie kĩoneki.
    Tondũ ona akorwo nĩ gĩaikara no gĩgakinyanĩra,
    Nanĩguo gĩkinyanĩre no nginya ũngĩgiginyana.


NyimboKuinira

ADS